Кеча футбол бўйича Ўзбекистон Олимпия терма жамоаси Хитойда бўлиб ўтган ёшлар ўртасидаги Осиё Чемпионати мусобақаси финалида Вьетнам термасини 2:1 ҳисобида мағлубиятга учратиб, шоҳсупага кўтарилишганди.
Аввалроқ, Ўзбекистон Олимпия терма жамоаси аъзолари бугун, 28 январь куни Тошкент вақти билан соат 23:50 да Урумчи орқали Тошкентга учиб келишлари ҳақида хабар бергандик.
Stadion.uz нашрига яқин манбаларнинг хабар беришича, Осиё чемпионатида муваффиқият қозонган футболчиларнинг ҳар бирига “Chevrolet Malibu” автомобиллари совға этилади.
Чемпионлар бугун, соат 23:50да “Ислом Каримов” номидаги Тошкент халқаро аэропортида тантанали тарзда кутиб олинади.
Шахсан Ўзбекистон Республикаси Президенти Шавкат Мирзиёевнинг топшириғига биноан футболчилар “Ўзбекистон” меҳмонхонасида тақдирланишади.
Маълум бўлишича, соат 00.00 да улар чиққан автобус Аэропорт терминал-3 (маҳаллий) Бобур, Нукус, Афросиёб, Шароф Рашидов, Навоий кўчаси ҳамда Амир Темур айланмаси ва Ўзбекистон меҳмонхонаси бўйлаб ҳаракатланади!
Акмал Эшонхонов
