Англиянинг “Манчестер Сити” бош мураббийи Пеп Гвардиола “шаҳарликлар”нинг трансфер сиёсати ҳақида фикрларини билдириб ўтди.

“Бирданига тўрт мусобақада иштирок этиш учун 22 та топ футболчилардан ташкил топган жамоа керак. Менга ишонмасликларинг мумкин, лекин “Манчестер Сити”да 22 нафар топ футболчини сотиб олиш учун етарли захира йўқ. Чунки, тасаввур қиляпсизми? Уларнинг нархи жуда қиммат.

Шунча пулни ҳавога совуришни хоҳламаймиз. Тушининг баъзида “Сити”дек жамоа ҳам кучли футболчиларни харид қилишга сармояси етмаслиги мумкин. Келажакда нима бўлади буни билмайман. Аммо биз футболчилар трансферига 100 миллиондан кўп сарфламаганмиз. Раҳбарият бундай трансферларга сармоя етмаслигини айтган. Тўғри бир нечта ҳаридларни амалга оширдик. Лекин ҳаридларсиз юқори натижага эришиш жуда мушкул, - дейди Гвардиола.