Бугун “Ал Файсалий” клуби вакиллари иштирокида ўйинолди матбуот анжумани бўлиб ўтди. Матбуот анжуманида жамоа мураббийи Небойса Йойович ва жамоа сардори Халил Баниатияҳ ҳамда Юсуф Равшдеҳлар иштирок этишди. Меҳмонлар журналистларнинг қизиқтирган саволларига жавоб беришди. Матбуот анжумани жуда қисқа давом этди.
Небойса Йойович: -Бироз қийинчиликлар билан Қаршига ҳам етиб келдик, биз бугун имкон даражасида яхши ўйин кўрсатишга ҳаракат қиламиз ва иорданиялик футбол ишқибозлари учун ўйнаймиз. Афсуски таркибимизда йўқотишлар ҳам бор. 24 январ куни “Ал Ярмук” билан бўлган учрашувда 9-рақамдаги ўйинчимиз Ахмад Ҳаёл Иброҳим жароҳат олган. Бу футболчимиз хизматидан бугун фойдалана олмаймиз. Биз бугун ҳар қандай ўйин жараёнига тайёр ҳолда майдонга тушамиз. Ҳаммаси эътиборга олинган.
Юсуф Равшдеҳ: -Биз ўйинга яхши тайёргарлик кўрдик, ишқибозларимиз учун яхши ўйин кўрсатишга ҳаракат қиламиз.
Халил Баниатияҳ: -Биз бугун Иордания учун ўйнаймиз. Бизни Қаршида муносиб кутиб олишди, бизга кўрсатган катта ҳурмат ва эҳтиромлари учун “Насаф” клуби расмийларига, жамоадошларим номидан ташаккур билдираман.
