Англиялик футболчи Жо Бартон “Манчестер Сити” клуби бош мураббийи Пеп Гвардиоланинг “ҳакамлар футболчиларни ўйин қоидасини бузганда жиддийроқ жазолашлари керак” деган фикрига қарши жавоб қайтарди.
“Бу сўзлари билан Гвардиола нимага эришмоқчи? Испания ва Италия мусобақаларидаги зерикарли муҳитними? Англиядаги футбол бошқа мусобақалардагига кўра тезроқ. Шунинг учун баъзида жиддий тўқнашувлар юзага келади. Бу Англия футболи учун оддий ҳолат.
Бизни чемпионатда жисмоний ҳолат бошқа қитъаларга кўра юқорироқ саналади. Агар АПЛда ғалаба қозонишни истасанг бу қонун қоидаларга кўнишинг керак. Бу имтихондан муносиб тарзда ўта олиш ҳам бир маҳорат.
Нолийвермасдан футболинги ўйнасангчи. Англияда футбол жуда тез суратларда ривожланяпти. Ҳозир ҳакамлар аввалгидан кўра кўпроқ футболчилар фойдасига ишлашяпти.
“А” серия ёки Лига 1 ўйинларига бир наъзар солинг. Ухлаб қоласиз. Ҳакамлар ўйин темпини ўлдиришади. АПЛ дунёдаги бошқа мусобақалардан шу жиҳати билан ажралиб туради”, дейди Бартон.
