“Манчестер Юнайтед” устози Жозе Моуриньо журналистларга ўзига хос ҳазил қилди. Яъни у Маркус Рэшфорд ҳақида гапираркан, ўзини ёш иқтидорларни қурбон қилувчи монстр деб атади.
“Маркус Рэшфорднинг тарихи қизиқ. У Луи ван Гал даврида ўйнай бошлади, жамоада муаммолар бор пайтида ҳужумни кучайтириб турди. Кейин эса мураббий алмашди ва клубга ёш иқтидорларни қурбон қилувчи монстр келди. Аммо, қаранг, Рэшфорд ҳалиям ўйнаяпти. У ҳар бир ўйинда майдонга тушади, гоҳида асосий таркибда, гоҳ эса захирадан. Нима бўлганда ҳам, у ўйин амалиётига эга бўлмоқда ва Англия терма жамоасига чақирув олган.
Ёшига эътибор берманг, Рэшфорд иқтидорли футболчи. Мен ҳар доим унинг “Манчестер Юнайтед” учун муҳим эканлигини таъкидлаганман”, деди Моуриньо.
