“Manchester Yunayted” ustozi Joze Mourinyo jurnalistlarga o‘ziga xos hazil qildi. Ya’ni u Markus Reshford haqida gapirarkan, o‘zini yosh iqtidorlarni qurbon qiluvchi monstr deb atadi.

“Markus Reshfordning tarixi qiziq. U Lui van Gal davrida o‘ynay boshladi, jamoada muammolar bor paytida hujumni kuchaytirib turdi. Keyin esa murabbiy almashdi va klubga yosh iqtidorlarni qurbon qiluvchi monstr keldi. Ammo, qarang, Reshford haliyam o‘ynayapti. U har bir o‘yinda maydonga tushadi, gohida asosiy tarkibda, goh esa zaxiradan. Nima bo‘lganda ham, u o‘yin amaliyotiga ega bo‘lmoqda va Angliya terma jamoasiga chaqiruv olgan.

Yoshiga e’tibor bermang, Reshford iqtidorli futbolchi. Men har doim uning “Manchester Yunayted” uchun muhim ekanligini ta’kidlaganman”, dedi Mourinyo.