“Лестер” клуби ярим ҳимоячиси Риёд Маҳрез “тулкилар” раҳбариятидан уни “Манчестер Сити”га сотишмагани учун норозиликлар билдиришда давом этмоқда.

Алжилик футболчи жаримага тортилган бўлишига қарамай, жамоанинг машғулотларида кетма-кет учинчи кун иштирок этмаган. Маҳрез 31 январь куни ҳатто “Эвертон”га қарши учрашувнинг қайдномасига ҳам киритилмаган.

Хабарда айтилишича, Маҳрез “Лестер” жамоасидан норози ва ёзда фаолиятини бошқа клубда давом эттириш ҳаракатларини тўхтатмаяпти.