“Lester” klubi yarim himoyachisi Riyod Mahrez “tulkilar” rahbariyatidan uni “Manchester Siti”ga sotishmagani uchun noroziliklar bildirishda davom etmoqda.
Aljilik futbolchi jarimaga tortilgan bo‘lishiga qaramay, jamoaning mashg‘ulotlarida ketma-ket uchinchi kun ishtirok etmagan. Mahrez 31 yanvar kuni hatto “Everton”ga qarshi uchrashuvning qaydnomasiga ham kiritilmagan.
Xabarda aytilishicha, Mahrez “Lester” jamoasidan norozi va yozda faoliyatini boshqa klubda davom ettirish harakatlarini to‘xtatmayapti.
