“Барселона” ҳимоячиси Жерар Пике “Эспаньол”га қарши учрашувнинг 82-дақиқасида гол урди ва голни нишонлаш вақтида бармоқларини лабларига қўйиш услубидан фойдаланди. Пикенинг бу ҳаракати “Эспаньол” мухлисларига аталганди.

Аввалроқ Пике “Эспаньол”ни Барселона шаҳри таркибига кирмаслигини айтиб ўтганди. Бунга жавобан “Корнелья-Эль Прат” мухлислари Испания футбол федерацияси ва Ла лига раҳбарларига норозилик мурожатини йўллашганди. “Эспаньол” клуби “Барселона” футболчисининг ҳаракатларини кўра олмасликка йўйган.

"Менинг ҳаракатим - "Эспаньол"га ҳурматсизлик? "Эспаньол"нинг кўпгина фанатлари узоқ вақт менинг оиламни ҳақорат қилиб келди. Мен бу ҳаракатим билан уларга жим бўлишни билдирдим. "Эспаньол" клуби ва унинг эгалари мендан нолимоқдалар, аммо ўз мухлисларига менинг оиламни ҳақорат қилмасликни эслатмаяптилар. БУ ҳурматсизлик.

Мухлисларга ҳаракат орқали "жим бўлинг" дедим, холос. Бундан ортиғига уларни аядим", - дейди Пике.