“Barselona” himoyachisi Jerar Pike “Espanyol”ga qarshi uchrashuvning 82-daqiqasida gol urdi va golni nishonlash vaqtida barmoqlarini lablariga qo‘yish uslubidan foydalandi. Pikening bu harakati “Espanyol” muxlislariga atalgandi.

Avvalroq Pike “Espanyol”ni Barselona shahri tarkibiga kirmasligini aytib o‘tgandi. Bunga javoban “Kornelya-El Prat” muxlislari Ispaniya futbol federasiyasi va La liga rahbarlariga norozilik murojatini yo‘llashgandi. “Espanyol” klubi “Barselona” futbolchisining harakatlarini ko‘ra olmaslikka yo‘ygan.

"Mening harakatim - "Espanyol"ga hurmatsizlik? "Espanyol"ning ko‘pgina fanatlari uzoq vaqt mening oilamni haqorat qilib keldi. Men bu harakatim bilan ularga jim bo‘lishni bildirdim. "Espanyol" klubi va uning egalari mendan nolimoqdalar, ammo o‘z muxlislariga mening oilamni haqorat qilmaslikni eslatmayaptilar. BU hurmatsizlik.

Muxlislarga harakat orqali "jim bo‘ling" dedim, xolos. Bundan ortig‘iga ularni ayadim", - deydi Pike.