"Челси" дарвозабони Тибо Куртуа фаолиятини Испанияда давом эттириши ҳақидаги миш-мишларга изоҳ берди, бельгиялик дарвозабонга "Реал" қизиқмоқда.
"Испанияга доимий сафарларим "Реал" билан боғлиқми? Бу кўпроқ оилавий ҳолатга боғлиқ. У ерда менинг болаларим яшайди. Қизим билан ҳар куни Facetime орқали гаплашаман, аммо ўғлим ҳали жуда ёш. Шунинг учун иложи борича Мадридга ошиқаман. Менинг юрагим у ерда қолган.
Ла лигага қайтишим қанчалик ҳақиқат? Бунинг учун "Реал" "Челси" раҳбарияти билан келишиши керак. Бир куни Мадридга қайтишимни биламан, бу шаҳарни севаман. У мен катта бўлган шаҳар. У ердан кетишим қийин бўлган.
Агар ҳақиқатан ҳам "Реал"га керак бўлсам, қарор чиқаришимда оилавий ҳаётим муҳим роль ўйнайди. Аммо айни дамда "Челси" билан шартномамни узайтирмоқчи бўлиб турибман", - дейди Куртуа.
