ПСЖ ҳужумчиси Килиан Мбаппенинг фикрича, “Реал” етакчиси Криштиану Роналду инқирозни бошдан кечиряпти деганлар хато ўйламоқда.
“Роналдуда пасайиш йўқ. Агар бу пасайиш бўлса, унда бошқа кўплаб футболчиларни инқироз ҳолатидалар дейиш мумкин.
У жуда яхши футболчи, аммо умид қиламизки, Роналду бизга қарши ўйинда гол ура олмайди.
“Реал”нинг кучли томонларини ўрганган ҳолда ўйинга тайёргарлик кўрамиз. Роналду эса ана шулардан бири ҳисобланади”, – дейди Мбаппе.
Эслатиб ўтамиз, бир ҳафтадан сўнг “Реал” ҳамда ПСЖ жамоалари ЕЧЛ 1/8 финали доирасида ўзаро тўқнаш келадилар.
