Испания кубогининг ярим финал босқичи доирасида битта жавоб ўйини бўлиб ўтди. «Севилья» ўз майдонида «Леганес»ни қабул қилди.

Андалусияликлар рақибни 2:0 ҳисобида мағлуб этишди. Баҳснинг 15-дақиқасида Корреа ҳисобни очган бўлса, учрашув сўнгида Васкес ҳисобни мустаҳкамлади.

"Леганес" майдонида бўлиб ўтган ўйинда 1:1 ҳисоби қайд этилган эди. Шу тариқа, "Севилья" Испания кубогининг дастлабки финалчисига айланди. Иккинчи финалчи номи бугун бўлиб ўтадиган "Валенсия" - "Барселона" баҳсидан кейин аниқ бўлади.

Испания кубоги, ярим финал, жавоб ўйини
Севилья – Леганес 2:0 (1:0, 1:0)
Голлар: 1:0 – 15 Корреа, 2:0 – 89 Васкес.
Севилья – Рико, Лангле, Меркадо, Эскудеро, Навас, Банега (Писарро, 84), Нзонзи, Сарабия (Лайюн, 74), Васкес, Корреа, Муриэль (Сандро Рамирес, 80).
Леганес – Шампань, Бустинса, Рико, Тито (Мантовани, 84), Сиовас, Пирес, Перес, Эль-Жар, Эрасо (Брашанац, 58), Амрабат (Рауль Гарсия, 73), Бовю.
Огоҳлантириш: Амрабат (50).
Дастлабки ўйин: 1:1