«Реал» ҳужумчиси Криштиану Роналду қандай қилиб яхши формани ушлаб туришга ҳаракат қилаётгани ҳақида ўз фикрларини билдириб ўтди.
«Ҳаёт — бу ҳар томонлама синовлардан иборат. Мен ўзимни юқори формада ушлаб туришга ҳаракат қиламан. Боиси, футболчи учун бу энг муҳим нарса. Мен ҳамиша 100 фоизга тайёр бўлишим керак. Бу мен учун ўта муҳим аҳамиятга эга.
Формада бўлиш учун баъзи қурбонликларга тайёр бўлиш керак. Мен ҳозир 20 ёшдаги қила олган баъзи ишларни такрорлай олмайман. Тўғри балансни ушлаб туришга ҳаракат қиламан. Ҳозирда барча нарсани кичик деталлар ҳал қилади.
Ўз олдимга юқори мақсадлар қўяман. Одамлар ўз мақсадлари сари ҳаракатланади. Мен ўз орзуларимга эришдим, аммо ҳали олдинда мақсадларим жуда кўп. Ўз ўйинимни ривожлантиришни ва янги марраларни забт этишни истайман. Ўтмиш билан эмас, ҳозирги кун билан яшашни истайман», – деди Роналду.