"Лестер" яримҳимоячиси Риёд Маҳрез жамоа машғулотларига қайтгани тўғрисида баёнот билан чиқди.
Жазоирлик футболчи январь ойида ўзини "Манчестер Сити"га сотмагани учун клубдан хафа бўлган ваамоанинг бир нечта машғулотларига келмаган эди.
"Охирги ўн кунда мен дўстим деб ҳисоблаб юрган одамларим мен ҳақимда ўзлари билмаган нарсалар ҳақида гапиришди. Бу сўзлар ортидан кўпчилик одамлар ва журналистлар нотўғри хаёлга бордилар. Шунинг учун вазиятга тўғри баҳо бериш мақсадида, мишмишларнинг тўғри эмаслигини маълум қилмоқчиман.
Мен ҳам, вакилларим ҳам бу вазиятга ҳеч қандай шарҳ бермадилар, шунинг учун бу мишмишлар асоссиз. "Лестер"ни ҳар доим вазиятдан хабардор қилганман, уни ўзим ёки вакилларим етказиб туишган.
Мен "Лестер"нинг бир қисми бўлдим, премьер-лигага чиқиб ва унда ғалаба қозониб катта муваффаққиятга эришдим. Мақсадим доим ягона бўлган, мен ҳар доим клуб, жамоадошларим ва мухлислар учун кучимни 100 фоиз сарфлайман. Бугун ҳам, "Лестер" аъзоси эканман, ёрдам учун кучимни аямайман", - дейди Маҳрез.
