"Lester" yarimhimoyachisi Riyod Mahrez jamoa mashg‘ulotlariga qaytgani to‘g‘risida bayonot bilan chiqdi.

Jazoirlik futbolchi yanvar oyida o‘zini "Manchester Siti"ga sotmagani uchun klubdan xafa bo‘lgan vaamoaning bir nechta mashg‘ulotlariga kelmagan edi.

"Oxirgi o‘n kunda men do‘stim deb hisoblab yurgan odamlarim men haqimda o‘zlari bilmagan narsalar haqida gapirishdi. Bu so‘zlar ortidan ko‘pchilik odamlar va jurnalistlar noto‘g‘ri xayolga bordilar. Shuning uchun vaziyatga to‘g‘ri baho berish maqsadida, mishmishlarning to‘g‘ri emasligini ma’lum qilmoqchiman.

Men ham, vakillarim ham bu vaziyatga hech qanday sharh bermadilar, shuning uchun bu mishmishlar asossiz. "Lester"ni har doim vaziyatdan xabardor qilganman, uni o‘zim yoki vakillarim yetkazib tuishgan.

Men "Lester"ning bir qismi bo‘ldim, premyer-ligaga chiqib va unda g‘alaba qozonib katta muvaffaqqiyatga erishdim. Maqsadim doim yagona bo‘lgan, men har doim klub, jamoadoshlarim va muxlislar uchun kuchimni 100 foiz sarflayman. Bugun ham, "Lester" a’zosi ekanman, yordam uchun kuchimni ayamayman", - deydi Mahrez.