Мадриднинг “Реал” клуби ҳужумчиси Криштиану Роналду унинг ёшида жисмоний ҳолатни бир маромда сақлаб туриш мушкул вазифа эканлигини айтди.
“Профессионал фаолиятимда мана шу икки йил фантастик тарзда ўтди. Жамоам билан кўплаб совринларга эга бўлдим. Ишончим комил, яна бир неча йил юқори савияда футбол ўйнай оламан. Буни ўзимдан талаб қиламан.
Менимча ҳар бир инсон орзуларини амалга ошириши учун ҳаракат қилиши лозим. Мен ҳам шулар қаторида ўз орзуйимни амалга оширмоқчиман. Кучли бўлишни хоҳлайман. Хаёт синовлардан иборат уни енгиб ўтиш ҳам бир махорат.
Спортчи учун бу жараён билан курашиш янада қизиқарлироқ бўлади. Жисмоний ҳолатимга 100 фоиз қайтишга умид қиламан. 10 йил олдинги ўйинимни кўрсата олмаслигимни биламан. Бунга қайтиш мушкул вазифа. Ҳа, албатта 20 ёшимда кўрсатган ўйинимни ҳозир кўрсата олмайман. Лекин бу факторга енгилмайман ҳам”, - дейди Роналду.
