Аргентина футбол федерацияси президенти Клаудио Тапиа ЖЧ-2018 мусобақасига бардам бўлиб бориши учун Лионель Мессидан "Барселона" сафида камроқ майдонга тушишини сўради.
"Умид қиламанки Аргентина терма жамоаси футболчилари ЖЧ-2018 мусобақасига ҳозирги жисмоний ҳолатларида бўлишади. Серхио Агуэро ақлбовар қилмас ўйнамоқда Месси эса ҳар доимгидек яхши. Бу мураббийлар учун жуда муҳим ва биз Мессидан ўз ҳолатига эътиборли бўлиши ва "Барселона"да камроқ майдонга тушишини сўрадик", - дейди Тапиа.
30 ёшли ҳужумчи бу мавсумда Примеранинг 23 учрашувида майдонга тушиб, 20 та гол урди.
