Испанияда “Леванте” ва “Сарагоса” клублари ўртасидаги ўйиннинг келишилган эканлигини аниқлаш жараёни кулминациясига яқинлашмоқда. Мазкур ўйин 2010-2011 йиллардаги мавсумда бўлиб ўтганди.
“Marca” нашрининг хабар беришича, прокуратура айбдорларни 2 йиллик қамоққа ҳукм қилиши ва 6 йилга футболдан четлаштириши мумкин. Айни дамда гумонланаётганлар орасида “Манчестер Юнайтед” аъзоси Андер Эррера, “Атлетико” аъзоси Габи ва “Лестер” футболчиси Висенте Иборра ҳам бор. Жами 41 киши гумонланмоқда.
Эслатиб ўтамиз, мазкур ўйинда “Сарагоса” 2:1 ҳисобида зафар қучган ва бу ғалаба “Сарагоса”ни Ла Лигада олиб қолганди. Аммо кейинчалик ғолиб жамоа бу ўйин учун “Леванте” футболчиларига 1 млн евро берганлиги тахмин қилинганди.
