Ispaniyada “Levante” va “Saragosa” klublari o‘rtasidagi o‘yinning kelishilgan ekanligini aniqlash jarayoni kulminasiyasiga yaqinlashmoqda. Mazkur o‘yin 2010-2011 yillardagi mavsumda bo‘lib o‘tgandi.
“Marca” nashrining xabar berishicha, prokuratura aybdorlarni 2 yillik qamoqqa hukm qilishi va 6 yilga futboldan chetlashtirishi mumkin. Ayni damda gumonlanayotganlar orasida “Manchester Yunayted” a’zosi Ander Errera, “Atletiko” a’zosi Gabi va “Lester” futbolchisi Visente Iborra ham bor. Jami 41 kishi gumonlanmoqda.
Eslatib o‘tamiz, mazkur o‘yinda “Saragosa” 2:1 hisobida zafar quchgan va bu g‘alaba “Saragosa”ni La Ligada olib qolgandi. Ammo keyinchalik g‘olib jamoa bu o‘yin uchun “Levante” futbolchilariga 1 mln yevro berganligi taxmin qilingandi.
