Хабарингиз бор, “Локомотив” жамоаси 12 февраль куни Осиё Чемпионлар Лигаси 1-тур ўйинлари доирасида БААнинг “Ал Ваҳда” клубини қабул қилди.

Учрашувда “темирйўлчилар” жамоаси рақибни 5та тўп фарқи билан мағлуб этди. Ушбу дебют ўйинда “Локомотив” сафида илк голини киритишга муваффақ бўлган бразилиялик футболчи Нивалдо Родригес Феррейра ўйиннинг 36-дақиқасида жароҳат сабаб майдонни тарк этишга мажбур бўлганди.

Ўтказилган тиббий кўрик шуни кўрсатдики, маҳоратли футболчининг чап оёқ пай қисми чўзилган. “Локомотив” ПФК бош шифокори Аброр Пирриевнинг таъкидлашича, Нивалдо яқин икки ҳафта ичида майдонга туша олмайди. Даволаниш жараёни кўнилдагидек кетса, Нивалдо “Локомотив”нинг ОЧЛ-2018 3-тури доирасида кечадиган “Ал Дуҳаил”га қарши ўйинигача майдонга тушишга тайёр бўлади. Шу сабабли ҳам 29 ёшли футболчи “Зоб Аҳан” билан ўйинни ўтказиб юборади.