«Манчестер Сити» клуби ҳужумчиси Габриэл Жезус бугун умумий гуруҳ машғулотларига қайтди. Бу хабарни «шаҳарликлар» устози Пеп Гвардиола ҳам тасдиқлади.
Бразилиялик футболчи АПЛ 21-тури доирасида «Кристал Пэлас»га (0:0) қарши кечган ўйинда чап тиззасидан жароҳат олган ва декабрь ойининг сўнгги кунида сафдан чиққанди. Бир ярим ой вақтни тикланишга кетказган Жесус ниҳоят машғулотларга қайтган.
Гвардиоланинг айтишича, Габриэл Англия Кубогидан ўрин олган «Уиган Атлетик»га (19 феврал) қарши ўйинда жамоасига ёрдам бера олмайди, бироқ кейинги учрашувларгача сафга қайтиши мумкин.
