Маълумки, куни кеча Темур Кападзе Ўзбекистон миллий терма амоасига вақтинчалик бош мураббий этиб тайинланди. "Ориат Доно" радиоси 37 ёшли мутахассисдан интервью олди. Эътиборигизга суҳбатни ҳавола қиламиз.
- Темур, бу қандай содир бўлди?
- Бу мен учун ҳам кутилмаган воқеа бўлди, десам бўлади. Федерациядан Асқар Толибжонов қўнғироқ қилиб "келиб кетишим" кераклигини айтди. Федерацияга кирганимдан сўнг ЎФА биринчи вице-президенти Умид Аҳмаджонов қабулига кирдик. Уерда миллий терма жамоа вақтинчалик бош мураббийи вазифасига мени маъқул кўрилганини айтишди. Мен ҳайрон қолдим, ишонмай: "ёрдамчиликдир, балки" деб сўрадим. Улар йўқ, дейишди. Мен ўзимдан кўра тажрибали бошқа мураббийлар ҳам борлигини айтдим. Улар бошқа мураббийлар клублари билан бандлиги, иккита ўйин учун уларни овора қилмасликларини айтишди. Менинг номзодимга сабаб, барча ўйинчиларни яхши танишим бўлган экан. Мураббийлар штаби тузиб,терма жамоани иккита ўртоқлик учрашувига тайёрлашим, терма жамоага кейинчалик чет элдан мураббий олиб келинишини айтишди. Кейинчалик унинг ёрдамчиси бўлишим мумкинлигини ҳам айтишди. Мен ўз миннатдорчилигимни билдирдим ва ишончни оқлашга ҳаракат қилишимни айтдим.
Бу мен учун кутилмаган ҳол бўлди. Ҳар хил клубларда ўйнаганман, аммо терма амоа менинг учун ҳар доим биринчи бўлиб келган. Тажриба ёки бошқа тарафдан қийналишим мумкин, аммо охирги йилларда А ва С мураббийлик категорияга ўқидим, бир неч жамоаларда мураббийларга ёрдамчи бўлдим. Бу борада қўрқув йўқ, биринчи навбатдаги ишим - мураббийлар штабини тузиш, ундан сўнг футболчиларнинг кенгайтирилган таркибини тузишим керак. Яқин 2-3 кунга вазифам шу ҳозирча.
- Кутилмаган ҳол бўлгани тушунарли, буни хаёлингизга ҳам келтирмагансиз, тўғрими?
- Йўқ биласизми, мураббийликни танлаган эканман, қачонлардир миллий термани бошқариш ниячтим бўлган, бу ҳар бир мураббийнинг орзуси бўлса керак. Фақат бошқариш эмас, катта натижаларга ҳам эриши нияти бор. Чет эллик мураббий келса, ундан тариба олиш имконияти бериляпти, бунинг учун ассоцациядагиларга раҳмат. Қўлимдан келганча, уларнинг юзларини ерга қаратмасликка ҳаракат қиламан. Тўғри, ҳозир кўпчилик ҳар хил фикрларда юрибди, уларниям тушунса бўлади...
- Темур, "оғзи куйган қатиқни ҳам "пуф"лаб ичади" деганидек, ўзбек футбол мухлисларининг оғзи куйганда, шунинг учун ҳар хил гапларга ътибори бермаслигингизни хоҳлардим. Чет эллик мураббийлар келаверади кетаверади, биз са ўз мутахассисимиз бўлишини истаймиз...
- Албатта, менинг ҳам вазифам шу яхши тажриба орттириб, ўзбек футболига фойдаси тегадиган мураббий бўлиш. Ҳозир менга иккита ўйинга жиддий вазифа қўйилгани йўқ, вазифам шу терма жамоага номзодларни аниқлаб, чет эллик мураббийга уларнинг статистик натиаларини тушунтира оладиган одам бўлиш.
- Темур, сизга ушбу вазифа топширилаётганда терма жамоа таркибини ёшартириш, кекса футболчиларни кузатиб қўйиш каби қўшимча вазифалар айтилдими? Масалан, кўпчиликнинг фикри бўйича, Равшан Ҳайдаров жамоасидан...
- Албатта, ёшартириш вазифаси бор, айниқса ўра 23 ёшгача бўлган терма жамоамиз футболчилари билан терма жамоамизни яхши ҳолатдаги футболчиларни уйғунлаширган ҳолда жамоа тузиш топшириғи бор. Бугун Равшан ака Ҳайдаров билан суҳбатлашдим, март ойида ёшлар терма жамоасининг ҳам ўйинлари бор, бу борада келишиб ишлаймиз. Албатта, терма жамоани ёшартириш вазифаси бор. Албатта, ёш футболчиларни бирданига миллий терма жамоага жалб қилишда қийинчилик бўлади.
- Агар ҳал қилиб қўйган бўлсангиз, мураббийлар штабини эълон қила оласизми?
- Мураббийлар штабига келсак, Олий лигадаги ҳеч қайси мураббий безовта қилинмайди, улар ўз клублари билан бўладилар. "Локомотив"дан Фёдоровни олишим ёки ўзим таниган бириккита мураббийлар бор. Ҳозир тўлиқ бир қарорга келганим йўқ.
