“Тоттенхэм” клуби ҳимоячи Тобиас Алдервейрелдни сотиш ҳақида ўйламоқда. Бунга футболчининг шартномасини узайтириш борасидаги музокараларнинг боши берк кўчага кириб қолгани сабаб бўляпти.
Гап шундаки, Алдервейрелд ҳафтасига 150 минг фунт маош олмоқчи, бироқ “шпорлар” унинг бу талабини қондирмоқчи эмас. Ҳимоячининг клуб билан шартномаси 2020 йилгача мўлжалланган, бироқ шартномада 2019 йилнинг январида исталган клуб Алдервейрелдни 25 млн фунтга сотиб олиши мумкинлиги ҳақида алоҳида банд ҳам бор. Шу боис “Тоттенхэм” футболчини ёздаёқ сотиб юбормоқчи.
Алдервейрелдга айни дамда “Реал”, “Челси” ва “Манчестер Сити” қизиқяпти.
