“Tottenxem” klubi himoyachi Tobias Alderveyreldni sotish haqida o‘ylamoqda. Bunga futbolchining shartnomasini uzaytirish borasidagi muzokaralarning boshi berk ko‘chaga kirib qolgani sabab bo‘lyapti.
Gap shundaki, Alderveyreld haftasiga 150 ming funt maosh olmoqchi, biroq “shporlar” uning bu talabini qondirmoqchi emas. Himoyachining klub bilan shartnomasi 2020 yilgacha mo‘ljallangan, biroq shartnomada 2019 yilning yanvarida istalgan klub Alderveyreldni 25 mln funtga sotib olishi mumkinligi haqida alohida band ham bor. Shu bois “Tottenxem” futbolchini yozdayoq sotib yubormoqchi.
Alderveyreldga ayni damda “Real”, “Chelsi” va “Manchester Siti” qiziqyapti.
