Испания чемпионатининг 25-тури доирасида "Севилья" ўз майдонида "Атлетико"ни қабул қилди. Мадридликлар бу баҳсда мезбонларга ҳеч қандай имконият қолдиришмади.

Учрашувнинг 81-дақиқасигача Симеоне шогирдлари рақиб дарвозасига нақд 5та тўп йўллашга улгуришганди. Фақатгина сўнгги дақиқаларда андалусияликлар 2 марта жавоб тўпини киритишга муваффақ бўлишди.

"Атлетико" ҳужумчиси мазкур ўйинда "хет-трик"ни расмийлаштирганини таъкидлаш лозим. Ушбу ғалабадан кейин "матрасчилар" "Барселона"ни қувишда, "Реал"дан эса масофани ушлаб туришда давом этадиган бўлишди.

Испания Ла лигаси, 25-тур
Севилья – Атлетико 2:5 (0:2, 2:3)
Голлар: 0:1 – 29 Диего Коста, 0:2 – 42 Гризманн, 0:3 – 51, пенальти Гризманн, 0:4 – 65 Коке, 0:5 – 81 Гризманн, 1:5 – 85 Сарабия, 2:5 – 89 Нолито.
Севилья – Рико, Навас (Лайюн, 18), Меркадо, Лангле, Эскудеро, Банега, Нзонзи, Сарабия, Васкес (Нолито, 70), Корреа (Бен-Йеддер, 60), Муриэль.
Атлетико – Облак, Врсалько, Хименес, Годин, Филипе Луис, Сауль, Парти (Корреа, 64), Габи, Коке (Витоло, 71), Гризманн, Диего Коста (Гамейро, 76).
Огоҳлантиришлар: Диего Коста (28), Корреа (32), Хименес (47), Эскудеро (68), Васкес (70), Сауль (90).