“Марсель” футболчиси Неймарга атайлаб жароҳат етказган бўлиши мумкин.

Француз нашрларининг айтишича, “Марсель” ярим ҳимоячиси Димитри Пайе ўйин бош ҳаками Бенуа Бастенга мурожаат қилиб, Неймарнинг хатти-ҳаракатлари рақибни унга нисбатан қўпол ўйнашга мажбур қилиши мумкинлигини айтган. “Неймарга айтинг, ўзини тутиб олсин, биз бу гапни уни ўйлаб айтяпмиз”, деган Пайе.

Бу маълумотни “ПСЖ” сардори Тиаго Силва ҳам тасдиқлади.

“Пайе ҳакамга улар Неймарга жароҳат етказишлари мумкинлигини айтди. Афсуски, у шундай деди. Бу футбол эмас”, деди Силва.