“Marsel” futbolchisi Neymarga ataylab jarohat yetkazgan bo‘lishi mumkin.
Fransuz nashrlarining aytishicha, “Marsel” yarim himoyachisi Dimitri Paye o‘yin bosh hakami Benua Bastenga murojaat qilib, Neymarning xatti-harakatlari raqibni unga nisbatan qo‘pol o‘ynashga majbur qilishi mumkinligini aytgan. “Neymarga ayting, o‘zini tutib olsin, biz bu gapni uni o‘ylab aytyapmiz”, degan Paye.
Bu ma’lumotni “PSJ” sardori Tiago Silva ham tasdiqladi.
“Paye hakamga ular Neymarga jarohat yetkazishlari mumkinligini aytdi. Afsuski, u shunday dedi. Bu futbol emas”, dedi Silva.