Ла Лига раҳбари Хавьер Тебас “Барселона” ҳужумчиси Луис Суаресга оид вазиятга ўз муносабатини билдириб ўтди.

Эслатиб ўтамиз, уругвайлик футболчи “Жирона”га қарши кечган баҳсда (6:1) атайлаб сариқ карточка олмоқчи бўлган ва Луис бу қилиғи билан “Лас-Пальмас”га қарши ўйинни ўтказиб юбориб, “Атлетико” билан ўйингача дам олишни истаган.

“Луис Суарес атайлаб сариқ карточка олишни истагани учун жазоланади. Агар у кетма-кет бешинчи сариқ карточкани олганида, кейинги ўйинда майдонга туша олмасди ва “Атлетико”га қарши ўйин учун кучли бўлиб майдонга тушарди. Бу эса Ла лига талабларини қониқтирмайди. Мен Ла лигада шундай пасткашликлар бўлмаслиги учун қўлимдан келган барини қилишга ваъда бераман.

Пеп Гвардиола? У ҳам ҳали ҳамон сариқ лентани тақиб юргани учун жазоланишга мажбур. Футбол ва сиёсатни бир-бирига аралаштириш ҳеч қандай қонунда ёзиб қўйилмаган”, – деди Тебас.