La Liga rahbari Xavyer Tebas “Barselona” hujumchisi Luis Suaresga oid vaziyatga o‘z munosabatini bildirib o‘tdi.

Eslatib o‘tamiz, urugvaylik futbolchi “Jirona”ga qarshi kechgan bahsda (6:1) ataylab sariq kartochka olmoqchi bo‘lgan va Luis bu qilig‘i bilan “Las-Palmas”ga qarshi o‘yinni o‘tkazib yuborib, “Atletiko” bilan o‘yingacha dam olishni istagan.

“Luis Suares ataylab sariq kartochka olishni istagani uchun jazolanadi. Agar u ketma-ket beshinchi sariq kartochkani olganida, keyingi o‘yinda maydonga tusha olmasdi va “Atletiko”ga qarshi o‘yin uchun kuchli bo‘lib maydonga tushardi. Bu esa La liga talablarini qoniqtirmaydi. Men La ligada shunday pastkashliklar bo‘lmasligi uchun qo‘limdan kelgan barini qilishga va’da beraman.

Pep Gvardiola? U ham hali hamon sariq lentani taqib yurgani uchun jazolanishga majbur. Futbol va siyosatni bir-biriga aralashtirish hech qanday qonunda yozib qo‘yilmagan”, – dedi Tebas.