"Милан" ҳимоячиси Леонардо Бонуччи Италия чемпионатининг 27-турида "Интер"га қарши ўйин олдидан фикр билдирди.
"Сан-Сиро"даги дерби бошқа стадионлардаги ўйинлардан фарқ қилади. Сизни 60-70 минг томошабин қўллайди, уларнинг ҳаяжони ва меҳрини туясиз. Ғалаба қозониш учун бу ҳиссиётларни майдонга кўчиришимиз керак.
Дерби – бу битта ўйин, очко олиш учун ғалаба қозонишни истаймиз. Чемпионлар лигасига йўлланма берувчи ўринни олишимиз керак.
"Интер" билан Италия кубогида учрашганимизда, бизда ёмон давр эди. Аммо ғалаба ўзимизга бўлган ишончни берди", - дейди Бонуччи.
