"Milan" himoyachisi Leonardo Bonuchchi Italiya chempionatining 27-turida "Inter"ga qarshi o‘yin oldidan fikr bildirdi.
"San-Siro"dagi derbi boshqa stadionlardagi o‘yinlardan farq qiladi. Sizni 60-70 ming tomoshabin qo‘llaydi, ularning hayajoni va mehrini tuyasiz. G‘alaba qozonish uchun bu hissiyotlarni maydonga ko‘chirishimiz kerak.
Derbi – bu bitta o‘yin, ochko olish uchun g‘alaba qozonishni istaymiz. Chempionlar ligasiga yo‘llanma beruvchi o‘rinni olishimiz kerak.
"Inter" bilan Italiya kubogida uchrashganimizda, bizda yomon davr edi. Ammo g‘alaba o‘zimizga bo‘lgan ishonchni berdi", - deydi Bonuchchi.
