"Атлетико" ҳимоячиси Филипе Луис Испания чемпионатининг 27-турида "Барселона"г қарши учрашув олдидан фикрлари билан ўртоқлашди.

"Камп Ноу"да ҳеч қачон ғалаба қозонмаганман. Бу мен учун чақириқ. "Барселона"нинг стадиони бошқача - жуда кенг ва узун майдон. Охирги йилларда биз ғалабага яқин келгандик, нима учун бу сафар эришмаслигимиз керак? Дуранг? Мен дурангга ўйнамайман. Биз ютишни истаймиз. Ҳозир бунинг айни вақти. Албатта, "Барселона" кучли ўйинчиларга эга ажойиб жамоа, аммо бизда имконият бўлади.

Мессининг қанотида ҳар доим қийин бўлади. У ҳар доим вазият пойлайди, қанотдан қанотга ўтади, ҳужумнинг ҳар қандай чизиғида ўйнай олади. Уни тўхтатиш қийин, чунки у серқирра ўйинчи. Уни тўхтатишни энг яхши усули - унга иккита ўйинчини бириктириш", - дейди Филипе Луис.

"Барселона" - "Атлетико" учрашуви 4 март куни бўлиб ўтади.