"Atletiko" himoyachisi Filipe Luis Ispaniya chempionatining 27-turida "Barselona"g qarshi uchrashuv oldidan fikrlari bilan o‘rtoqlashdi.
"Kamp Nou"da hech qachon g‘alaba qozonmaganman. Bu men uchun chaqiriq. "Barselona"ning stadioni boshqacha - juda keng va uzun maydon. Oxirgi yillarda biz g‘alabaga yaqin kelgandik, nima uchun bu safar erishmasligimiz kerak? Durang? Men durangga o‘ynamayman. Biz yutishni istaymiz. Hozir buning ayni vaqti. Albatta, "Barselona" kuchli o‘yinchilarga ega ajoyib jamoa, ammo bizda imkoniyat bo‘ladi.
Messining qanotida har doim qiyin bo‘ladi. U har doim vaziyat poylaydi, qanotdan qanotga o‘tadi, hujumning har qanday chizig‘ida o‘ynay oladi. Uni to‘xtatish qiyin, chunki u serqirra o‘yinchi. Uni to‘xtatishni eng yaxshi usuli - unga ikkita o‘yinchini biriktirish", - deydi Filipe Luis.
"Barselona" - "Atletiko" uchrashuvi 4 mart kuni bo‘lib o‘tadi.
