Ўзбек футболининг ёрқин юлдузларидан бири ўз ватанига қайтди ва "Локомотив" клубига қўшилди.
Сардор Рашидов 2018 йилнинг 4 февралида Форс кўрфазидаги икки ярим йиллик фаолиятидан сўнг жонажон Ўзбекисонига қайтди ва тошкентнинг "Локомотив" клубига қўшилди.
ОФК чемпионлари лигаси яримфиналчиси билан the-AFC.com сайти мухбири суҳбатлашди. Футболчи Қатар ва БАА мамлакатлари ҳақида таассуротлари ва янги мавсумдаги режалари билан ўртоқлашди.
"Ал Жаиш"да кўп нарсаларга эришдим, бу клубда мен ўйинчи сифатида ўсдим, турли чизиқлардан гол уришни ўргандим. 30 тадан ортиқ гол уриб, клубга чемпионликка эришишида ёрдам бердим, - дейди Рашидов. - Қатар - ақлбовар қилмас мамлакат, ходимлар дўстона муомалада ва клуб талабларига чин кўнгилдан тайёрлар. Қатарга келганимда ёш эдим, "Ал Жаиш"да инсон ва футболчи сифатида ўсдим.
Рашидов "Ал Жаиш"даги собиқ устози Сабри Ламоуши билан доим алоқада эканини айтди. Мутахассис Францияга кўчиб ўтди ва Лига 1 да "Ренн" клубини бошқармоқда.
"Сабри мени ўз клубига таклиф этди ва келаак режалари билан ўртоқлашди. Ким билади, балки, ёзда Францияга кўчиб ўтарман".
27 ёшли футболчининг "Ал Жазира"даги фаолиятидан хотиралари унчалик ёрқин эмас. Чунки у бу клубда олти ой ўйнади, холос.
"Ал Жазира"даги хотираларим унчалик ёрқин эмас. Аммо айтишим мумкимнки, клубда дўстлар орттиришга эришдим, - дейди Рашидов БААдаги фаолияти ҳақида. - Мен футболчи сифатида ўсишни истадим, шунинг учун "Ал-Жазира"ни тарк эдим".
ОЧЛ-2018 мавсуми олдидан Рашидов Ўзбекистон чемпиони "Локомотив"дан таклиф олди ва тез орада бу клуб аъзосига айланди.
"Янги клубда ўйнашни истадим, "Локомотив" эса - катта клуб. Улар катта мақсадларга эга жамоа ва бутун Осиёга таниқли. Бу ерга барча совринларни ютиш учун келдим.
"Бунёдкор"да уч марта мамлакат чемпиони ва уч марта кубок соҳиби бўлган футболчи ватанига қайтишни ортга қўйилган қадам деб ҳисоламайди.
"Ҳар бир клубнинг олтин даври бўлади, бизда "Бунёдкор" шундай давр бўлди, энди эса "Локомотив"нинг вақти келди деб ўйлайман. "Локомотив" - ОЧЛда иштирок этаётган жуда кучли жамоа. Бу жамоанинг мақсадларига эришишида ёрдам беришни истайман. Бундай бўлмаганида мен Ўзбекистонга қайтмас эдим", - дейди Рашидов.
