O‘zbek futbolining yorqin yulduzlaridan biri o‘z vataniga qaytdi va "Lokomotiv" klubiga qo‘shildi.
Sardor Rashidov 2018 yilning 4 fevralida Fors ko‘rfazidagi ikki yarim yillik faoliyatidan so‘ng jonajon O‘zbekisoniga qaytdi va toshkentning "Lokomotiv" klubiga qo‘shildi.
OFK chempionlari ligasi yarimfinalchisi bilan the-AFC.com sayti muxbiri suhbatlashdi. Futbolchi Qatar va BAA mamlakatlari haqida taassurotlari va yangi mavsumdagi rejalari bilan o‘rtoqlashdi.
"Al Jaish"da ko‘p narsalarga erishdim, bu klubda men o‘yinchi sifatida o‘sdim, turli chiziqlardan gol urishni o‘rgandim. 30 tadan ortiq gol urib, klubga chempionlikka erishishida yordam berdim, - deydi Rashidov. - Qatar - aqlbovar qilmas mamlakat, xodimlar do‘stona muomalada va klub talablariga chin ko‘ngildan tayyorlar. Qatarga kelganimda yosh edim, "Al Jaish"da inson va futbolchi sifatida o‘sdim.
Rashidov "Al Jaish"dagi sobiq ustozi Sabri Lamoushi bilan doim aloqada ekanini aytdi. Mutaxassis Fransiyaga ko‘chib o‘tdi va Liga 1 da "Renn" klubini boshqarmoqda.
"Sabri meni o‘z klubiga taklif etdi va kelaak rejalari bilan o‘rtoqlashdi. Kim biladi, balki, yozda Fransiyaga ko‘chib o‘tarman".
27 yoshli futbolchining "Al Jazira"dagi faoliyatidan xotiralari unchalik yorqin emas. Chunki u bu klubda olti oy o‘ynadi, xolos.
"Al Jazira"dagi xotiralarim unchalik yorqin emas. Ammo aytishim mumkimnki, klubda do‘stlar orttirishga erishdim, - deydi Rashidov BAAdagi faoliyati haqida. - Men futbolchi sifatida o‘sishni istadim, shuning uchun "Al-Jazira"ni tark edim".
OCHL-2018 mavsumi oldidan Rashidov O‘zbekiston chempioni "Lokomotiv"dan taklif oldi va tez orada bu klub a’zosiga aylandi.
"Yangi klubda o‘ynashni istadim, "Lokomotiv" esa - katta klub. Ular katta maqsadlarga ega jamoa va butun Osiyoga taniqli. Bu yerga barcha sovrinlarni yutish uchun keldim.
"Bunyodkor"da uch marta mamlakat chempioni va uch marta kubok sohibi bo‘lgan futbolchi vataniga qaytishni ortga qo‘yilgan qadam deb hisolamaydi.
"Har bir klubning oltin davri bo‘ladi, bizda "Bunyodkor" shunday davr bo‘ldi, endi esa "Lokomotiv"ning vaqti keldi deb o‘ylayman. "Lokomotiv" - OCHLda ishtirok etayotgan juda kuchli jamoa. Bu jamoaning maqsadlariga erishishida yordam berishni istayman. Bunday bo‘lmaganida men O‘zbekistonga qaytmas edim", - deydi Rashidov.
