Бугун А серия клублари "Фиорентина" ҳимоячиси Давиде Асторининг ўлими туфайли 27-турнинг қолдирилган учрашувлари қачон ўтказилишини муҳокама қиладилар.
"Милан" - "Интер" дербиси кичик муаммо келтириб чиқариши мумкин, чунки "россонери" яқин вақтлар ичида Европа лигачининг 1/8 финалида "Арсенал" ва 9 май куни Италия кубоги финалида "Ювентус" билан ўйнаши керак.
"Милан"нинг олдида шундай вариант ҳам бор - туринликлар билан мавсум якунланганидан сўнг ўйнайди, 9 май куни Кубок ўрнига "Интер" билан дербини ўтказади.
А сериянинг қолган 6 ўйини ("Женоа" - "Кальяри", "Аталанта" - "Сампдория", "Беневенто" - "Верона", "Торино" - "Кротоне", "Удинезе" - "Фиорентина", "Кьево" - "Сассуоло") 14 март, чоршанба куни ўтиши мумкин, аммо бу ўйинлар ЕЧЛ ўйинлари билан бир вақтда ўтмаслиги керак.
Бундан ташқари, бу кунда "Аталанта"нинг вақти бўлмайди, чунки бу кунга "Ювентус" билан қолдирилган учрашув белгиланган.
