Кеча Қирғизистон пойтахти Бишкек шаҳрида спорт курашлари бўйича Осиё чемпионати якунланди.
Мусобақанинг сўнгги кунида эркин кураш бўйича баҳслар ўтказилди.
Бир кун олдин Ихтиёр Наврўзов ва Магомед Ибрагимов барча рақибларини мағлуб этиб, Осиё чемпионлигини қўлга киритганди.
Кеча ўтказилган жангларда Давид Модзманашвили олтин медаль соҳибига айланди. Аббос Раҳмонов ва Азиз Солиевлар эса бронза медалини қўлга киритди.
Шу тариқа, эркин кураш баҳсларида Ўзбекистон терма жамоаси Осиё чемпионатида умумжамоа ҳисобида биринчи ўринни қўлга киритди.
Ўзбекистон терма жамоасининг Осиё чемпионатидаги натижаси:
Юнон-рум кураши:
-60 кг: Ислом Бахромов - бронза
-63 кг: Елмурат Тасмурадов - олтин
-67 кг: Мирзобек Рахматов - бронза
-72 кг: Арам Варданян - бронза
-97 кг: Рустам Ассакалов - кумуш
130 кг: Мўминжон Абдуллаев - кумуш
(умумжамоа ҳисобида учинчи ўрин)
