9 март куни “Марказий” стадионимизда миллий чемпионатимизнинг тантанали очилиш маросими бўлиб ўтади, дея хабар беради "Насаф" жамоасининг расмий сайти.
Шу куни “Насаф” ўз майдонида Суперлиганинг илк учрашувини ўтказади.
Бу йилги ОЧЛ мусобақасида кетма-кет муваффақиятга эришган “Насаф”, Суперлигамизнинг 2-турида ён қўшнилари “Бухоро” жамоасини қабул қилади. Учрашув соат 18:00да бошланади.
Аммо, футбол ишқибозларини шу куни “Марказий” стадионимизга эртароқ келишларини сўраймиз. Чунки қизиқарли футбол учрашуви бошланиши олдидан, соат 17:00дан бошлаб стадионимизда бир гуруҳ таниқли санъаткорлар катта концерт дастурини намойиш этишади. Байрам концерти ниҳоясига етгач, миллий чемпионатимизнинг тантанали расмий очилиш маросими ўтказилади, дейилади хабарда.
