9 mart kuni “Markaziy” stadionimizda milliy chempionatimizning tantanali ochilish marosimi bo‘lib o‘tadi, deya xabar beradi "Nasaf" jamoasining rasmiy sayti.
Shu kuni “Nasaf” o‘z maydonida Superliganing ilk uchrashuvini o‘tkazadi.
Bu yilgi OCHL musobaqasida ketma-ket muvaffaqiyatga erishgan “Nasaf”, Superligamizning 2-turida yon qo‘shnilari “Buxoro” jamoasini qabul qiladi. Uchrashuv soat 18:00da boshlanadi.
Ammo, futbol ishqibozlarini shu kuni “Markaziy” stadionimizga ertaroq kelishlarini so‘raymiz. Chunki qiziqarli futbol uchrashuvi boshlanishi oldidan, soat 17:00dan boshlab stadionimizda bir guruh taniqli san’atkorlar katta konsert dasturini namoyish etishadi. Bayram konserti nihoyasiga yetgach, milliy chempionatimizning tantanali rasmiy ochilish marosimi o‘tkaziladi, deyiladi xabarda.
