Бугун ўринбосарларимиз Ёшлар лигасидаги иккинчи ўйинларини ўтказишди. Муҳсин Низомиддинов шогирдлари Навоийда “Қизилқум” меҳмони бўлишди.
Ўйинни вакилларимиз фаол тарзда бошлашди. 10-дақиқада футболчиларимиз ажойиб ҳужум ташкил этишди. Аввалига Дилшод Баратов зарба йўллади, ҳимоячилардан қайтган тўпни Иброҳим Мухторов кучли зарба берди. Иброҳимнинг зарбаси салгина ноаниқ бўлди. 24-дақиқада жамоамиз таркибида мажбурий ўзгариш бўлди Иброҳим Аҳмаджонов ўрнига Бахтиёржон Абдубаннонов майдонга тушди.
Биринчи бўлимнинг қолган дақиқаларида ҳар икки жамоада ҳам ҳисобни очиш учун бир қатор имкониятлар вужудга келди. Бироқ танаффусгача гол уриш ҳеч кимга насиб этмади.
Иккинчи бўлим шиддатли ҳужумлар остида бошланди. Тайм бошида ўринбосарларимиз икки марта рақиб дарвозаси олдида хавфли ҳужумларни ташкил этишди. Сўнгги паллада мезбонлар хавфни бартараф этишнинг уддасидан чиқишди.
Учрашув якунланиши арафида Муслим Қурбонов ғалаба тўпига муаллифлик қилиши мумкин эди. Аммо ундан омад юз угирди.
Шу тариқа, ўринбосарларимиз мавсумдаги иккинчи баҳсда ҳам дуранг натижа қайд этишди.
Ёшлар лигаси
“Қизилқум” – “Қўқон-1912” – 0:0
Ҳакамлар: Даулетбай Жалимов, Акмал Султанов, Акмалжон Давронов, Жасур Рустамов.
Назоратчи: Бахтиёр Тоғаев.
“Қизилқум”: 1. Эркин Жабборов, 6. Суҳроб Ярашев, 7. Сардор, Жаҳонов, 9. Ҳумоюн Абдуалимов, 14. Алишер Юсупов, 17. Орзу Раззоқов, 18. Ҳусниддин Фазлиддинов, 20. Сергей Прохоров, 32. Аҳлиддин Файзиев, 89 .Рамис Бегишев, 96. Фаррух Жўраев,
Захира: 46. Элбек Раҳимқулов, 2. Акмал Рустамов, 8. Жаҳонгир Ҳусанов, 38. Суннат Маҳмудов, 86.Феруз Норов, 93. Бобир Мамиров. 99. Илҳом Кенжаев.
“Қўқон-1912”: 30. Ислом Абдуллаев, 5. Иброҳим Ғофуров, 10. Иброҳим Мухторов, 11. Муслим Қурбонов, 14. Иброҳим Аҳмаджонов, 17. Дилшод Баратов, 18. Достон Мелиқўзиев, 25. Исмоил Охунжонов, 77. Мўмин Содиқжонов, 96. Ислом Тошпўлатов, 98. Савелий Абрамов,
Захира: 12. Муҳаммадали Собиров, 8. Бахтиёр Абдубаннонов, 9. Рамз Исақов, 26. Исмоил Толипов, 70. Аваз Юсуфжонов.
