Bugun o‘rinbosarlarimiz Yoshlar ligasidagi ikkinchi o‘yinlarini o‘tkazishdi. Muhsin Nizomiddinov shogirdlari Navoiyda “Qizilqum” mehmoni bo‘lishdi.
O‘yinni vakillarimiz faol tarzda boshlashdi. 10-daqiqada futbolchilarimiz ajoyib hujum tashkil etishdi. Avvaliga Dilshod Baratov zarba yo‘lladi, himoyachilardan qaytgan to‘pni Ibrohim Muxtorov kuchli zarba berdi. Ibrohimning zarbasi salgina noaniq bo‘ldi. 24-daqiqada jamoamiz tarkibida majburiy o‘zgarish bo‘ldi Ibrohim Ahmadjonov o‘rniga Baxtiyorjon Abdubannonov maydonga tushdi.
Birinchi bo‘limning qolgan daqiqalarida har ikki jamoada ham hisobni ochish uchun bir qator imkoniyatlar vujudga keldi. Biroq tanaffusgacha gol urish hech kimga nasib etmadi.
Ikkinchi bo‘lim shiddatli hujumlar ostida boshlandi. Taym boshida o‘rinbosarlarimiz ikki marta raqib darvozasi oldida xavfli hujumlarni tashkil etishdi. So‘nggi pallada mezbonlar xavfni bartaraf etishning uddasidan chiqishdi.
Uchrashuv yakunlanishi arafida Muslim Qurbonov g‘alaba to‘piga mualliflik qilishi mumkin edi. Ammo undan omad yuz ugirdi.
Shu tariqa, o‘rinbosarlarimiz mavsumdagi ikkinchi bahsda ham durang natija qayd etishdi.
Yoshlar ligasi
“Qizilqum” – “Qo‘qon-1912” – 0:0
Hakamlar: Dauletbay Jalimov, Akmal Sultanov, Akmaljon Davronov, Jasur Rustamov.
Nazoratchi: Baxtiyor Tog‘ayev.
“Qizilqum”: 1. Erkin Jabborov, 6. Suhrob Yarashev, 7. Sardor, Jahonov, 9. Humoyun Abdualimov, 14. Alisher Yusupov, 17. Orzu Razzoqov, 18. Husniddin Fazliddinov, 20. Sergey Proxorov, 32. Ahliddin Fayziyev, 89 .Ramis Begishev, 96. Farrux Jo‘rayev,
Zaxira: 46. Elbek Rahimqulov, 2. Akmal Rustamov, 8. Jahongir Husanov, 38. Sunnat Mahmudov, 86.Feruz Norov, 93. Bobir Mamirov. 99. Ilhom Kenjayev.
“Qo‘qon-1912”: 30. Islom Abdullayev, 5. Ibrohim G‘ofurov, 10. Ibrohim Muxtorov, 11. Muslim Qurbonov, 14. Ibrohim Ahmadjonov, 17. Dilshod Baratov, 18. Doston Meliqo‘ziyev, 25. Ismoil Oxunjonov, 77. Mo‘min Sodiqjonov, 96. Islom Toshpo‘latov, 98. Saveliy Abramov,
Zaxira: 12. Muhammadali Sobirov, 8. Baxtiyor Abdubannonov, 9. Ramz Isaqov, 26. Ismoil Tolipov, 70. Avaz Yusufjonov.
