«Тоттенхэм» клуби бош мураббийи Маурисио Почеттино жамоасининг ЕЧЛ 1/8 финалдан тарк этганини изоҳлаб берди.

«3 дақиқа ичида иккита тўп ўтказиб юбордик. Марказдаги иккита хато ва иккита гол. Мана шу бизнинг қолиб кетганимиз сабаби. Ҳар икки учрашувда ҳам биз кўпроғига ҳақли эдик. Жамоам билан фахрланман. Ўтказиб юборилган голга қадар фантастик футбол кўрсатиб майдонда устунлик қилаётгандик.

Албатта, натижадан кўнглимиз тўлмади, аммо бу жамоа яна ўсиши учун хизмат қилади. Биз яна олға ҳаракат қиламиз, аммо ҳозир жуда ҳам тушкун ҳолатдамиз.

Кўплаб вазиятларни яратдик ва бунданда кўпроғига лойиқ эдик. Аммо футбол шундай нарсаки, сен фақат гол уриб тўп ўтказиб юбормаслигинг даркор. Бу – бизнинг қўлимиздан келмади. «Ювентус» бутун ўйин давомида дарвозамиз томон атиги 2 ёки 3 маротаба яқин келди, бироқ улар ҳар бир хатойимизни жазолашди», - дейди Почеттино.