«Tottenxem» klubi bosh murabbiyi Maurisio Pochettino jamoasining YECHL 1/8 finaldan tark etganini izohlab berdi.

«3 daqiqa ichida ikkita to‘p o‘tkazib yubordik. Markazdagi ikkita xato va ikkita gol. Mana shu bizning qolib ketganimiz sababi. Har ikki uchrashuvda ham biz ko‘prog‘iga haqli edik. Jamoam bilan faxrlanman. O‘tkazib yuborilgan golga qadar fantastik futbol ko‘rsatib maydonda ustunlik qilayotgandik.

Albatta, natijadan ko‘nglimiz to‘lmadi, ammo bu jamoa yana o‘sishi uchun xizmat qiladi. Biz yana olg‘a harakat qilamiz, ammo hozir juda ham tushkun holatdamiz.

Ko‘plab vaziyatlarni yaratdik va bundanda ko‘prog‘iga loyiq edik. Ammo futbol shunday narsaki, sen faqat gol urib to‘p o‘tkazib yubormasliging darkor. Bu – bizning qo‘limizdan kelmadi. «Yuventus» butun o‘yin davomida darvozamiz tomon atigi 2 yoki 3 marotaba yaqin keldi, biroq ular har bir xatoyimizni jazolashdi», - deydi Pochettino.