“Реал” сардори Серхио Рамос “ПСЖ” устидан қозонилган ғалабадан кейин машғулотга “Fiat 600” номли эски автомобилда келди. Машинанинг ўнг томонида футболчининг исм-шарифини бош ҳарфлари ҳамда ўйнайдиган рақами акс этганди. Мазкур автомобиль Италияда 1955-1969 йилларда машҳур бўлган.

Рамоснинг маълум қилишича, ушбу машинани унга акаси туғилган кунига атаб совға қилган. Гарчи Рамос 30 январда туғилган бўлса-да, акаси уни олдинроқ табриклашга қарор қилган.

“Классик автомобиллар ҳеч қачон ўлмайди. Туғилган куним учун ажойиб совға. Миннатдорман. Сизни яхши кўраман, акажон”, деб ёзиб қолдирди Рамос инстаграммдаги саҳифасида.