“Ливерпул” аъзоси Муҳаммад Салоҳ АПЛ кейинги туридан ўрин олган “Манчестер Юнайтед”га қарши ўйинда гол урмоқчи. У агар буни уддаласа, АПЛнинг энг кучли бешта жамоасига гол урган бўлади. Айни дамда Салоҳ “Челси”, “Манчестер Сити”, “Арсенал” ва “Тоттенхэм” дарвозаларига гол киритишга улгурган.

“Биринчи ўйинда Де Хеанинг даҳшатли сейвлари туфайли гол ура олмагандим. Буни амалга ошириш учун эса дарвозабоннинг ўйинларини таҳлил қилиб чиқиш лозим. Бироқ шунда ҳам “Манчестер Юнайтед”га, Де Хеага гол уриш мушкул. “МЮ” айни дамда АПЛнинг кучли бешлиги орасида мен гол ура олмаган ягона жамоа бўлиб турибди. Мен бунга барҳам бермоқчиман”, деди Салоҳ.

“МЮ” — “Ливерпул” ўйини шанба куни бўлиб ўтади.