“Liverpul” a’zosi Muhammad Saloh APL keyingi turidan o‘rin olgan “Manchester Yunayted”ga qarshi o‘yinda gol urmoqchi. U agar buni uddalasa, APLning eng kuchli beshta jamoasiga gol urgan bo‘ladi. Ayni damda Saloh “Chelsi”, “Manchester Siti”, “Arsenal” va “Tottenxem” darvozalariga gol kiritishga ulgurgan.
“Birinchi o‘yinda De Xeaning dahshatli seyvlari tufayli gol ura olmagandim. Buni amalga oshirish uchun esa darvozabonning o‘yinlarini tahlil qilib chiqish lozim. Biroq shunda ham “Manchester Yunayted”ga, De Xeaga gol urish mushkul. “MYU” ayni damda APLning kuchli beshligi orasida men gol ura olmagan yagona jamoa bo‘lib turibdi. Men bunga barham bermoqchiman”, dedi Saloh.
“MYU” — “Liverpul” o‘yini shanba kuni bo‘lib o‘tadi.
