Тошкент вақти билан эртага, 11 март куни тонг саҳарда ҳаваскор бокс бўйича Рио Олимпиадаси кумуш медали совриндори, жаҳон чемпиони Шаҳрам Ғиёсов ва Олимпия ўйинлари ва жаҳон чемпионати совриндори Муроджон Аҳмадалиев профессионал рингдаги илк жангларини ўтказишади.
Ғиёсов АҚШнинг Нью-Йорк шаҳрида бўлиб ўтадиган профессионал бокс кечасида аргентиналик Николас Веласкес (10 ғалаба, 2 мағлубият, 0 дуранг)га қарши рингга кўтарилади. Бу Шаҳрамнинг профессионал боксдаги дебют жанги бўлади.
Бу кечада Муроджон Аҳмадалиевнинг рақиби эса аргентиналик Давид Паз (4-4-1) бўлади.
Жанглар Тошкент вақти билан 11 март куни тонги соат 05:00да бошланади.
