"Милан" дарвозабони Жанлуижи Доннарумма ёзда клубни тарк этмоқчи, дея хабар беради Football Italia.
Ёш посбон билан раҳбарият ўртасида муносабатлар ёмонлашди ва у мавсум якунлангач бошқа жамоага кетади. Бунга миланликларнинг "Наполи" дарвозабони Пепе Рейна билан шартнома тузишга келишиб олганлари тартки бўлган. Яқин кунлар ичида Рейнанинг шартномаси ҳақида расман эълон қилиниши кутилмоқда. Испаниялик 35 ёшли посбон жамоанинг биринчи рақамли дарвозабонига айланиши мумкин.
"Милан" Доннаруммани 60 млн евродан камига сотмоқчи эмас. 19 ёшли дарвозабон А сериянинг ушбу мавсумида 27 та ўйин ўтказди.
