"Милан" бош мураббийи Женнаро Гаттузо Европа лигаси 1/8 финалида "Арсенал"га қарши жавоб учрашуви олдидан фикрларини билдирди.
Биринчи ўйинда англияликлар 2:0 ҳисобида устун келишган
"Биринчи ўйиндан кўра яхшироқ ўйнашимиз кераклигини биламиз. Аммо бундай чиройли стадионда, ажойиб жамоа билан ўйнашимиз билан фахрланамиз. Биз бироз чарчадик. Аммо майдонга чиқишимиз шарт.
Тажрибани магазиндан сотвололмайсан. "Арсенал"дек клубга қарши ўйнаркансан, нозик томонларинг кўриниб қолади, аммо тўғри қадам ташлаш учун ҳаммасини таҳлил қилиш ва тушуниш керак. Эртага бизнинг йўқотадиган нарсамиз йўқ", - дейди Гаттузо.
"Арсенал" - "Милан" учрашуви бугун, 15 март куни бўлиб ўтади.
